Treno-de-serp(-queirado)
Sicyos angulatus
Cucurbitaceae
Nom en français : Concombre anguleux.
Descripcioun :Aquesto planto, que nous vèn dis Americo de l'uba, s'atrovo au nostre, pèr lou moumen, soulamen dins la valado dóu Rose fin qu'à la mar. Trachis dins li fourèst de ribo d'aigo (ripisilvo) ounte, à la fin de l'estiéu, cuerb tout lou sòu coume un lincèu emé si gràndi fueio de 6 à 20 cm. Li flour masclo dounon d'èr à li de la briouino alor que li flour femello soun en group, mai pichoto (4 mm) e pu claro. Lou fru, en amelo, èi cubert d'espino.
Usanço :Li fueio de treno-de-serp-queirado soun manjadisso cuecho coume de liume. Se dis que lou fru pòu èstre manja peréu. Li fueio soun estado utilisado en Americo pèr sougna li "mau di femo" (malautié veneriano).
Port : Liano
Taio : 2 à 10 m
Fueio : óupousado
Tipe bioulougico : Teroufite
Cicle bioulougico : Planto de l'an
Gènre : Sicyos
Famiho : Cucurbitaceae
Coulour de la flour :
Verdo
Petalo : 5
Ø (o loungour) flour : 1 cm
Flourido :
Estiéu - Autouno
Sòu : Ca
Autour basso e auto :
Pancaro entresigna
Aparado : Noun
Remarco : Planto envahissènto
Liò : Ribiero
- Escoumbre e proche dis oustau
Estànci : Termoumediterran à Mesoumediterran
Couroulougi : Óurigino Americo-Nord
Ref. sc. : Sicyos angulatus L., 1753
Tulipeto(-envoulucrado)
Fritillaria involucrata
Liliaceae Liliaceae
Nom en français : Fritillaire à involucre.
Descripcioun :Ei la tulipeto de basso Prouvènço que trachis sus lis uba e li relarg umide de colo e de basso mountagno. Se recounèis à si 3 fueio au soumet e à si gròssi flour mai o mens marrelado.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 15 à 50 cm
Fueio : óupousado
Tipe bioulougico : Geoufite
Cicle bioulougico : Planto renadivo
Gènre : Fritillaria
Famiho : Liliaceae
Famiho classico : Liliaceae
Ordre : Liliales
Coulour de la flour :
Brunello
Petalo : 6
Ø (o loungour) flour : 1,5 à 2 cm
Flourido : Printèms
Sòu : Ca
Autour basso e auto : 0 à 1800 m
Aparado : Noun
Abriéu à jun
Liò : Blachiero
- Bos fre
- Gaudre
Estànci : Mesoumediterran à Mesoumediterran
Couroulougi : Ouroufito-Sud-Ouèst-Aupenco
Ref. sc. : Fritillaria involucrata All., 1789
